شەفەق نیوز/ ئمڕوو سێشەممە، هۆڵ کولبنکیان لە بەغدا میوانداری پێشانگای “بیرۆکەی جوانکاری” کرد، کە گروپیگ نوخبەی هونەرمەنەیل خانەقین و بەغدا لە ئەزموونیگ داهێنەرانە گردەو کەێد کە ئامانج لەلی بەرزکردن جموجویل هونەری عراق بوی.
پێشانگاگە وە سپۆنسەر وەزیر رووشنهویری و گەشتوگوزار ئەحمەد فەکاک بەدرانی و سەرپەرشتی بەش هونەرە گشتیەیل بویە و لەلایەن گروپ هونەری “رەنگەیل سپێکترۆم” لە خانەقین وە هاوکاری دەزگای روەشنهویری هونەر رێک خریاس.
لە رسوومەیل وازکردنی ئامادەبوینی بڕیگ نوخبەی کەسایەتییە فەرمی و رووشنهویری وەخوەی دی، بیجگە لە نوێنەر سەندیکایەیل و کۆمەڵە ئەدەبی و هونەریەیل، کە دووپات لە گرنگی پشتیوانیکردن هونەرمەنەیل ناوخۆیی و دروسکردن دەرفەت ئەرا ئاڵوگۆڕی هونەری لە ناوەین پارێزگایەیل کرد.
ڕۆڵ پێشانگایەیل لە بەرزکردن ناسنامەی کولتووری
لە لێدوانیگ تایبەت ئەرا ئاژانس شەفەق نیوز، وەڕیەوبەر دەزگای رووشنهویری و هونەر، وەهاب ئەلسەید راگەیان کە پێشانگاگە نوێنەرایەتی دەرفەتیگ راسگانی کەێد ئەرا بەرزکردن فرەچەشنی هونەری عراق، کە ری وە هونەرمەنەیل شارە جیاوازەیل دەێد لە ری بەرهەمەیلیان ناسنامەی رووشنهویری خوەیان نشان بیەن.
ئەلسەید وتیش: دەزگای رووشنهویری هونەر تەقەلا دەێد پیەڵ پەیوەندی ناوەین هونەرمەنەیل عراقی دروس بکەێد و ئەو بوونە سازبکەێد کە بەشداربوون لە بڵاوکردن رووشنهویری هونەری لە ئاستی ناوخۆیی و جەهانی.
داهێنان خانەقین بەغدا رازنێدەو
لەلای خوەییش ئەندامیگ دەسەی ئامادەکاری پێشانگاگە، رەفاه مەعموری، دووپات کرد کە ئی بوونە ئەرا رووشنایی خستنە لەبان داهێنەر هونەرمەنەیل خانەقین و بەرزکردن ئامادەیی ئەوان لە گۆڕەپان هونەری عراق هاتگە، کە هونەرمەنەیل (31) بەرهەم هونەری هەمەچەشنی لە ناوەین تابلۆی پلاستیکی و بەرهەم سیرامیک پێشکەش کردن، وە بەشداری (13) هونەرمەن نیر و ما، کە کارەکتەریگ هونەری دەوڵەمەن ئەرا پێشانگاگە زیای کرد.
بەش “مستشکیل” و ڕێزلێنان لە هونەرمەنەیل
مەعمووری ئەرا ئاژانس شەفەق نیوز وت: پێشانگاگە بریتی بوی لە پێشکەشکردن بەش هونەری وەناونیشان “مستشکیل”، کە لەلایەن هونەرمەن هاوار کوردستانی پێشکەشکریا، کە کارلێکی گەورەی لە ئامادەبویەیل کرد، چالاکییەگە وە رێزگردن لە هونەرمەنەیل بەشداربوی وە بڕوانامەی پیزانین، جویر پیزانینیگ ئەرا بەشداریی داهێنەرانەیان لە پێشانگاگە کۆتایی هات.
ئومید ئەرا هاوکاری هونەری زیاتر
مەعمووری وتیش: سەرکەفتن ئی بوونە گاڵ ئەنجامدان پێشانگای هاوبەشی زیاتر دەێد لە ناوەین پارێزگایەیل، وتیش؛ هونەرمەنەیل خانەقین فرە چشتەیلیگ دیرن ئەرا پێشکەشکردن دیمەن هونەری عراق.
ئاشکرا کرد کە ئی جویر پێشانگایلیگ بەشدارن لە گواستنەوەی ئەزموونە کولتوورییە هەمەچەشنەیل و بەرزکردن ئاڵوگۆڕی هونەری لە ناوەین شارەیل عراق.
پێشانگای “بیرۆکەی جوانکاری” یەکیگە لەو بوونەیلە کە بەش هونەرە گشتیەیل وەزارەت رووشنهویری وە هاوکاری دامەزراوە و گروپە هونەریەیل، وە ئامانج گاڵداین داهێنەر ناوخۆیی، رووشنایی خەێدە بان بەهرەیل و بەرزکردن پەیوەندی هونەری ناوەین پارێزگایل عراق، وەیەوە بەشداری کەێد لە دەوڵەمەنکردن سیمای رووشنهویری و هونەری لە وڵات.