هەیفا لەبان ستۆری ئینیستگرام ئایەتیگ قورئانی بڵاو کرد "ولا يحيق المكر السيئ إلا بأهله"، فێڵ بەد تەنیا ئەرا خاوەنی گلەو خوەێد و رەسنێد.
سەندیکای پیشەیل مۆسیقا لە وڵات میسر بڕیار دا لە وەردەم کاروبار یاسایی سەندیکاگە لێکۆڵینەوە وەرد خانمە هونەرمەن هەیفا وەهبی بکەێد، دویای بڕیار وساننی لە گورانیچڕین، تا بکەفێدە وەرد سەندیکای پیشەیل ئەکتەری میسری، کە ئەویش بڕیار دا قەیغەی بکەێد.
سەندیکا لە بەیاننامەیگ وت: هونەرمەن هەیفا وەهبی گریەبەسی ناوەین خوەی و کۆمپانیای سینەمایی شکان، هەرچەن پویل پیشکەی لەی برد.
کۆمپانیای (ریماس) سکاڵای یاسایی لەبان هەیفا وەهبی توومار کرد، و وت: هەیفا پویل گریەبەسی کۆمپانیاگە گلەو نەیا، لە دویای ئەوە کە پابەند وە کاریگ دراما نەوی.
وەگەرد ئەوەیش، هەیفا رێک کەفتیە لە ئاهەنگیگ لە کناراو باکوور گورانی بچڕێد، و هەمیش لەوەر بەشداری نەکرد، و بویە زەرەد گەورەیگ وەبان لایەن سازین ئاهەنگەگە.