مەنسوور جیهانی ـ هەشتەمین دیدار شانۆی کوردی "یۆتۆبۆری" وە هه‌وڵ کۆمەڵەی هونەرە جوانەیل ناوده‌وڵه‌تی یۆتۆبۆری له شار یۆتۆبۆری لە وڵای سوید وەڕیەوچگ.
هەشتەمین دیداری شانۆ کوردی "یۆتۆبۆری" وە هه‌وڵ کۆمەڵەی هونەرە جوانەیل ناوده‌وڵه‌تی یۆتۆبۆری Internationella Sköna Konster، وە دروشم "بەسە ژن کوشتن لە کوردستان" و وە نمایش شانۆگەری "مەرگی ئاو" ساعەت ٦ی ئیوارێی رووژەیل 19 و 20 ئاب ٢٠٢٢ له شانۆی "دڕاماتیکی گۆتێبۆڕگ" Dramatiska teater i Göteborg له شار یۆتۆبۆری لە وڵات سوید وەڕیەوچگ.
ئی شانۆگەریە بەرهەم کۆمەڵەی هونەرە جوانەیل یۆتۆبۆری، لە نویسین "یەڵدا حوسێن" و له دەرهێنان "بەکر ڕەشید"ه ک لەناوی "کامەران کەماڵ" و "ئەرینا موحه‌مەدی" ڕۆڵ سه‌ره‌کی گردن و هەرلیوا کار دیزاینی دیکۆری لە لایەن هونەرمەن شێوەکار "ئەحمەد نامۆ" ئەرای ئەنجام دریاگە و "ئاسۆ دیلان" هونه‌رمه‌ند موزیکزان کورد دانشتگ وڵات سویدە، وە ژه‌نین ئامێر عوود لەنزوی به‌شداری کردیە.
شانۆگەری "مەرگی ئاو" له لایه‌ن هۆگران هونه‌ری شانۆ و هەرلیوا ئامادەبویەیل پێشوازی خاسیگ لەلی کریا وە شیوەیگ ک وەرپرسەیل هەشتەمین دیدار شانۆی کوردی "یۆتۆبۆری" بڕیار دان ک لە هەر رووژیگ و دوو جار، ئی شانۆگەریه نمایش بکریەێد، واتە لە دوو رووژ دیدار چوار جار نمایش کریا.
ئی شانۆگەریه لە رویداویگ ڕاستەقینە له هه‌رێم کوردستان ئەڵگەریایە ک لەی ساڵە لە شار هەولێر رویدا ک "ماریا سامی" وەداخەو وە دەس کەسوکارەگەی کوشیا.
دیداری ئمساڵ شانۆی کوردی "یۆتۆبۆری" وە سه‌رۆکایه‌تی بەش هونەری "عیزه‌ت ڕه‌ئووف" و هەرلیوا به سه‌رپه‌‌ڕه‌شتی سەرۆک کۆمەڵە "شەمال ئیبراهیم" و وەرپرس ئیداری دیدار بەڕیز "محه‌مه‌د تۆفیق" و به‌ش ته‌کنیکی رووشنایی و ده‌نگ له لایه‌ن "نه‌وزاد باهیر" وەڕیەوچگ.
کۆمەڵەی هونەرە جوانەیل لە خەەیئامادەکردنە ئەرا سازدان نۆهەمین دیدار فیلم کوردی "یۆتۆبۆری" ک لە رووژەیل 26 و 27ی تەشرین دویەم ٢٠٢٢ لە هۆڵ سینەمایی "فۆڵکت هیووس" Fulket Hus له ناوچه‌ی "هەمەرکۆلەن" Hammarkullen له شار یۆتۆبۆری وەڕیەو چوود و هەر لێرە لە گشت فیلمسازەیل کورد داوا کەێد ک وەپیان خوەشە نووترین بەرهەمەیلیان ئەرا ئی ڕووداوه سینه‌ماییه کلبکەن.
ئەرز زانیاری زیاتر:
https://www.facebook.com/kurdiskafilmtraffen
راگەیاندن گشتی هەشتەمین دیدار شانۆی کوردی یۆتۆبۆری.