شەفەق نیوز/ نمایش شانۆگەری ئۆکرانی (کالیجۆلا) ئەرا دەرهێنەری ئەلیکسەندەر کوفشان، خەڵات خاسترین نمایش لە سێیەم خول ڤیستواڵ ناودەوڵەتی شانۆگەری بەغداد وەدەس هاورد.
مەکسیم سترلیگ پاڵەوان شانۆگەریەگە بویە خاوەن خەڵات خاسترین ئەکتەر لە ڤیستواڵەگە.
شانۆگەری تونسی (دویاترین جار) بویە خاوەن سێ خەڵات ک خاسترین دەرهێنان و خاسترین دەق شانۆگەری و خاسترین خانمە ئەکتەر ئەرا مەریەم بن حەمیدە وەدەس هاورد.
تارق ریح لە شانۆگەری مەغریبی (شا تا را) خەڵات سینۆگرافیا وەدەس هاورد، و خەڵات خاسترین نمایش بڕی دریا وە شانۆگەری عراقی (فیشەک بەزەیی).
لە ئاهەنگ کۆتایی لەناو شانۆی وەتەنی لە بەغداد، وەگەرد پارچەیگ مۆسیقا خاڵاتەیل بەشەو کریان.
ڤیستواڵەگە وەژیر ناونشان (چوینکە شانۆ ژیان رووشن کەێد) وەماوەی نۆ شەو زیاتر لە ٢٠ شانۆگەری لە عراق و سوریا و ئوردن و فەلەستین و لیبیا و مەغریب و تونس و جەزائیر و سەڵتەنەی عومان و بەحرەین و فەرەنسا و بەلجیکا و ئیران و ئۆکرانیا و رووسیا نمایش کریا.