شەفەق نیوز/ فیلم دیكۆمێنتی نانی پیرۆز، لە دەرهێنان ڕەوانشاد رەحیم زەبیحی و لە بەرهەمهاوردن توورەج ئەسڵانی، خەڵات خاسترین بەڵگەفیلم بەش سینەمای كوردی لە هەشتەمین فێستیڤاڵ ناوەدەوڵەتی فیلم دهۆكی وەدەس هاورد.
فیلم دیكۆمێنتی نانی پیرۆز، ئی بەرهەم كوردییە، لە بەش بەڵگەفیلمەیل سینەمای كوردی لە هەشتەمین خول فێستیڤاڵ ناوەدەوڵەتی فیلم دهۆك و لە دوو سانسی جیاواز لە هۆڵ سینەمایی دهۆك مۆڵ لە شار دهۆك لە هەرێم كوردستان نمایش کریا، و لەلایەن ڕۆژنامەنووسیل، پەیامنێرەیل و ڕەخنەگرەیل سینەمایی و هەرلیوا تەماشاکەرەیل ئامادەبۊ لەی ڕووداو سینەماییە پێشوازیی لەلی کریا، و تۊنست خەڵات خاسترین بەڵگەفیلم بەش سینەمای كوردی ئەی خول فێستیڤاڵ نێوەدەوڵەتی فیلمی دهۆكە وەدەسبارێد.