شەفەق نیوز/ خانمە هونەرمەن خوەرئاوای کوردستان نارین فەقێ، راگەیان: " لەی چەن رووژە نووترین بەرهەم خوەم  وەناو (پاییزا خەونان) بڵاو کەم.    

نارین فەقێ وت: "وەرجە بیس ساڵ من هاتمە ناو کار هونەری گورانی و موزیک کوردی و لەی بۆنە  بەرهەم نوویی پێشکەش وە هەوادارەیل خوەم کەم، (پاییزا خەونان) لە تێکستی مامۆستا ئەدیب چەلکییە ک ڤەن ساڵیگە وە تێکستەکانی خزمەت وە هونەری کوردی کەێد.

ئاوازەگەی لەلایەن ئاوازدانەر نەمر مامۆستا زاهد بریفکانی ئامادە کریاگە، وەرجە دۊیاکووچ مامۆستا زاهد یەکیی لە ئاوازە رەنگینەیلی پێشکەش وەمن کرد. من خوەشم هات اکر جوانیگ پێشکەش وە گیانی بکەم، ئەراوە پەیوەندی وەرد مامۆستا ئەدیب کردم، و تۊینست تێکستێک جوان و گونجیای لەبان ئەو ئاوازە ئامادە بکەێد.