لە کتاوLady in Gold ئەرا ئان ماری ئوکونور لە ساڵ 2012 رووژنامەنویسەگە باس ئی کارە وە فرە رەنگین کەێد، کە ئویشێد: ئەو دویەتە کە لە دڵداری وایە لە شان شۆبیرت وسیەێد کە دیرێد پیانۆ ژەنێد،  و لەی تابلۆ کە هونەرمەن نەمساوی کیشاسەی میزی زگی وە کوڕ کلیمت دووگیانە.

میزی لە تابلۆیگ ترەک وەناونشان (راسی رویت) وە رویتی دیار دەێد، وەلێ لەو مەوقە کلیمت هویچ نیازیگ ئەرا خوازین ئەو دویەت کاسۆلیکیە نەیاشت، کە لەو وەختە دوو گلە لەلی دووگیان بوی، کە وە میزی وت ئەو هویری پاپەی مناڵ وخیزان نیە، وەلێ هویری خستیەسە لای بڕ گەورەیگ لە وینەکیشان قەواسەی زانکۆی ڤیێنا.

میزی خەوەردار داڵگی وە دووگیانی خوەی کرد، تا رەسیە رووژیگ شوی داڵگی لەماڵ قاوی دا، و یەیش نزا لە هونەرمەنەگە کرد خەرجی بەێد.

وەداخەو کە وەگەرد باسکردن ئی چیرووکە لەناو کتاوەگە، تابلۆی (شۆبیرت پیانۆ ژەنێد) لە هویچ موزەخانەیگ نییە، كە لە ساڵ 1945 گشت ئەو تابلۆیلە کە لیدریر گردیانەو کرد فەوتیان، هەناێ نازیەیل شلوس ئیمندرۆف سزانن.