شەفەق نیوز/ دەسەی کۆمەڵەی هونەرمەنەیل عراق، ئمڕوو چوارشەممە، پرسەی مردن دەرهێنەر و ئەکتەر عراقی عامر عەلوان لە تەمەن ٦٦ ساڵە کرد، ئەوەیش لەناو یەکیگ لە خەسەخانەیل فەرەنسا، دویای بیمارییگ ک دەرفەتیگ وەپی نەیا.
هونەرمەن کووچکردگ دەرهێنەر و ئەکتەر عراقیە یە سی ساڵە لە پاریس داکاسیایە، لەداڵگبوی ساڵ ١٩٥٧ شار حلە ناوەند پارێزگای بابل.
لە ساڵ ١٩٧٩ لە پەیمانگای هونەرە جوانەیل بەغداد دەرچگ، ئیجا چیە پاریس ئەرا تەواوکردن خوەنەواری زانکۆ و کار لە شانۆگەری ئۆپێرا کرد.
دویای کارکردنی لە چەن فیلمیگ، ئیجا فیلمیگ روومانی درویژ وەگەرد کەتاڵ ARTE فەرەنسی ئەنجام دا، و بڕیگ خەڵاتیگ جەهانی لەلی وەدەس هاورد.