شەفەق نیوز/ سەندیکای هونەرمەنەیل عراق، ئمڕوو شەممە، مردن هونەرمەن غازی کنانی راگەیان.
سەندیکاگە لە بەیاننامەیگ وت: هونەرمەن غازی کنانی ئمڕوو دویاکووچی کرد، و داوا لە خودای گەورە کەیمن بخەێدەی وەر رەحمەتی و سەبووری کەسوکار و دووس و هاوڕیەیلی بەێد.
هونەرمەن غازی کنانی لەداڵگبوی ١٩٣٧ و یەکیگە لە یەکەمەیل ئەو هونەرمەنەیل عێایڵ لە شانۆگەری و سینەما، دەیان شانۆگەری نویسان و دەرکرد، وەگەرد دەیان زنجیرە و بەرنامە لەناو و دەیشت عراق.