شەفەق نیوز/  هونەرمەن و ئەکتەر عراقی کەریم عەواد، ئمڕوو جومعە، لە تەمەن 82 ساڵی لە دویای ماوەی فرەیگ لە رویوەروی بوین وەگەرد بیماری کووچ دویایی کرد.

کۆمەڵەی" هونەرمەنەیل عراقی"، لە بڵاوکریایگ لەبان تووڕ کۆمەڵایەتی ئمڕوو پرسەی " هونەرمەن گەورەی عراقی کەریم عەواد کرد".

باسکرد، هونەرمەن کەریم عەواد لە داڵگبوی 1940ە خوەنین سەرەتایی و ناوەندی و پەیمانگای هونەرە جوانەیل و زانکۆی هونەرە جوانەیل لە بەغدا تەواوکردیە، و ماستەر لە هونەر شانۆگەری لە زانکۆی فەرمی  کالیفۆرنیای ئەمریکا وە دەسهاوردیە لە ساڵ 1981. برای هونەرمەن کۆمیدی مەکی عەوادە.