شەفەق نیوز/ بیتەر بروک، ئەفسانەی شانۆ لە سەدەی بیس، لە تەمەن ٩٧ ساڵان، دویا کووچی کرد. 

ئی شانۆگەر گەورە ک لە بەریتانیا پەیا بویە،  بەش گەورەیگ لە ژیان هوونەریی لە فەرەنسا گوزەران کرد، ک شانۆی "لێە بۆف دو نور" دامەزران، و کار نوویگ لە هونەر دەرهێنان شانۆ دروس کرد، ک ئازادی لە دیکۆر کۆنەی کرد. 

وە چاپ سینەمایی لە ساڵ ١٩٦٣ ئەرا رۆمان "لۆرد ئۆف دی فلایز" بویە خاوەن وەناوباگییگ، ک ئەو چاپە باس خوەنەوارەیلیگ لەناو دوورگەی چووڵیگ کەێد، ک لەورا گیر هاتنە، و تەقەلا دەن حکومڕانی خوەیان بکەن، ورەسێدە ئەنجامیگ کارەساتی.

بروک لە بەریتانیا ناودیار بوی، چوینکە دەرهێنەریگ گەنج بوی، وکارەیلیگ مەزن ئەنجام دا، ک بەشیگی لە شەکسپیر وەرگرد، و هەمیش کار وەگەرد ئەکتەرەیلیگ کرد، ک دویای ئەوە بوینە ئەفسانە.   

  "ماهابهاراتا" وەناوباگترین شانۆەیل بروک بوی، ک ئەفسانەیگە وە ماوەی نۆ ساعەت ویەکیگە لە ئەفسانەیل هیندۆسی، لە ساڵ (١٩٨٥) ئەرا ئەکەم جار لە فیستواڵ ئەفینیۆن نمایشی کرد.