شەفەق نیوز/ خانمە هونەرمەن یابانی سایکا کاندا، وە رەوشەیل نادیاریگ وە کەفتنی لە قات ١٤ لە هوتێلیگ گیانی لەدەسدا.
رووژنامەی "جابان تايمز" یابانی وت: کاندا لە ژوورەگەی خوەی لە هوتێل دابوور لە باکوور یابان کەفتە خوار، و پۆلیس هالە بندروس رووداوەگە.
رووژنامەگە وتیش لە ناوچەی وازیگ لە خوار هوتێلە ٢٢ قاتیەگە تەرمەگەی پەیا کریا، و وەرەو خەسەخانە بریا.
کادیا ئەکتەر و گورانیچڕ ناودیار یابانی، وەرجە مردنی لەتەمەن ٣٥ ساڵان، نیاز بەشداریکردن لە شانۆیگ داشت وەناونشان "ماي فير ليدي"، وەلی تەنیا رووژ جمعە لە پڕۆڤەی هونەریی ئامادە بۊی.
جی باسە ک سایکا کاندا بۊیە خاوەن وەناوبانگی گەورەیگ دۊیای بەشداریکردنی لە دۆبلاژ دەنگ ئەرا چاپ یابانی لە فیلم ئەنیمەیشن "فروزن".