شەفەق نیوز/ گۆڤار ڤاریتی ئمڕوو سێشەممە، بڵاو کرد کە ئەکتەر دەیڤید مەکالوم کە لە ساڵەیل شەسەیل سەدەی گوزەشتە بویە یەکیگ لە وەناوبانگترین ئەسارەیل تەلەفزیۆنی هەناێ ڕۆڵ سیخوڕ ڕووسی ئیلیا کوریاکین لە زنجیرەی "پیاوە لە پوور" دییە، کۆچی دوایی کرد، لە تەمەن 90 ساڵی.

مەککالوم وە بەشداریکردنی لە زنجیرە وەناوبانگەگەی “NCIS” نەوەی نوویگ لە هەوادارەیل وەدەس هاورد.

ئەو ئەکتەرە لە سکۆتلەندا لەداڵگ بویە و لە باوگیگ مۆسیقاخواز، زیاتر لە 7 دەیە کاریگ درویژماوە لە بوار نواندن کردیە، لە رووژەیل خوەنەواری  لە ئەکادیمیای شاهانەی لەندەن ئەرا هونەرە دراماتیکییەیل لە ساڵەیل 1950 دەسوەپی کردیە.

سەرەتا کار هونەری وە ڕۆڵ لاوەکی لە بڕیگ فیلمی بەریتانی دەسوەپی کرد، لەوانە فیلم “شەویگ ئەرا یادکردن” لە ساڵ 1958، کە لەناوی کارەکتەر ئۆپەراتۆریگ بی وایەر لە کەشتی تایتانیگ رۆڵیگ  رانیە.