ئاب مانگ ماچەیل دیرکەفتگە

مانگ گوڵەیلە

و بەڵاچەیل دیرکەفتگ

ئاب،  مانگ وەخوارکەفتن ئەسارەیل فرەس.

● مارينا تسفيتاييڤا

ئەگەر رووژیگ سەردانیگ ئەرا رووسیا کردێ، هەنای لە جادەیل مۆسکۆ ری کەێ، ئەوەسا پەیکەر خانمە شاعرەگە لە Borisoglebsky Lane پەیا کەێ، ک پەیکەر رەنگینیگە ئەرا خانمە شاعر وەناوبانگ لە ئاست جەهان مارينا تسفيتيڤا.

ئەو پەیکەرە ک فرە چەوەڕیی کریا، لە مەوقەی پووڕیاگ خوەی هات، چوینکە کەفتە ١١٥هەمین جەژن لەداڵگبوین ماریا.

تەگبیر بوی وەرجە ١٥ ساڵ پەردە لەڕوی ئی پەیکەرە لاوریەێد، باوجی کارەگە سەرنەگرد، ک هاتێ وەزارەت روشنهۊری پەلەی نەوی، و چوینکە پویلیش کەم بوێ، و ئەوانەگ سەرپەرشتی جیوەجیکردن پەکەرەگە کریان ئاڵشت بوین.

پەیکەرەگە لەلایەن هونەرمەن و ئەندازیارەیل (N. Matveeva و A. Dubovsky و S. Buritsky) دروس کریا، ک پەیکەرەگە وەشیوەی رەنگینیگ خانمە شاعرەگە نشان دا، تا ئەو زیانەیلە نشان بەێد ک گیانی جویر مرۆییگ پیچ وەدەور خوەی خواردگە، وە شیوەیگ ک پڕە لە شعر گورانی.

ئی ووشەیلە لەوەردەم خانمە شاعرەگە نویسیاگە ک لە وەردەم موزەخانەی ماڵەگەی کریاگە:

لەیرا ماریا تسفيتيڤا یەکیگ لە خوەشترین ساڵەیل ژیانی گوزەران کرد، ک بڕیگ شعر ئەرا ئی ماڵە نویسان.

ئاژانس شەفەق نیوز