ژمارەی شەشم و هەفتم مانگنامەی دو زوانەی کوردی-فارسیی "ئەندێشەی ڕەخنەیی" بڵاو بی.
ئی گۆڤارە وە شێوەی زانستی و تەحقیقی دیاێگە دەر و تێ‌دکووشێ بەشکەم وە شێوازێ ڕەخنەگرانە بنووڕێ وە باوەتەیلێ ک پەیوەندی وەگەرد کوردستاناتەو دیرن.
هەر وەێ بوونەیشەو ئی چاپە دریاگە وە باوەتەێلێ دەبارەێ مەشرووتەخوازی و شوونداری ئنقڵاب مەشرووتە‌ێ ئێران دە ئیلام و کرماشان وەێ سەرباسەێلەوە؛
[ئیلام و کرماشان دە سەردەم مەشرووتە]
وتارەێلەێ ئی ژمارە ئەیانەنە:
-کرماشان، کورد و ناسیۆنالیزم؛ مەشرووتە
-دژڤاری مەشرووتەخوازی دە کرماشان
-خلاء تاریخ‌نویسی و قیام ایلام
-هووکارەێل یەکنەگرتن ئێڵەیل ئیلام و کرماشان دە مەشرووتە
-دووخ سیاسی کرماشان لە سەردەم جمێشت مەشرووتە
-نەخش ڕاپەڕین مەشرووتە و دەسکەفتەیلێ
ئوو هەمجا وت‌وێژەێلێگ وەگەرد «ئەردشێر کشاوەرز»، «داریووش چەمەن ئارا»، «سیروان خوسرەوزاده»، «حسام لوڕنژاد» و کۆمەڵێگ وتار و هام‌پەیوەندەیل‌ێگ ترەکیش دەێ ژمارەوە دخوەنن.
دە بانەژمارە‌یش، بابەتەێلێ جوور [کورد و مودڕنیتە] بڵاوەو دبن.
-شوناس کوردی و مودڕنیتەی سەرەتایی لە کرماشان
- کرماشان ڤە ناڤێن ناڤەندگرایی و شوناس کوردی
- ڕەوت‌ناسی شوناس سیاسیی کوردی لە کرماشان
- ئەمر سیاسی و کێشەی کورد(نووڕستنێگ وە ئیلام و کرماشان)
- ئیلام و جمێشت فەرهەنگی زوان کوردیی و کارگەریی دە مل شوناس فەرهەنگی-سیاسی
- مەفهووم کوردبیین و شوناس سیاسی دە ئیلام
- تەحقیقێگ دە بارەی پێکهاتەی کۆمەڵایەتیی و زوانیی ئیلام
ئی گوڤارە وانگ داگە ک نویسەرەیل بەڕێز، بابەتەیل خوەیان تا 15 نەوروز 1400 ئەڕا ئی مانگنامە کل بکەن.
بەرپرس ئێ مانگنامە ئەفشین خوڵامی لە چالاکەێل روووژنامەوانی کوردییە ک کورد زەنگنەێ کرماشانە.