شەفەق نیوز/ دویای دوو هەفتە لە تووشهاتن خیزان ئەمیتاب باچان هەسارە وەناوبانەگ بۆلیۆد و کوڕەگەی ئەبهیشیل باچان و هاوسەر کوڕەگەی ئیشواریا رای، و کوڕەرزاگەی وە ڤایڕۆس کۆڕۆنا، و کەفتە نوای ترەند جهانی و دەنگ نزاکردن ونماز فرەیگ بەرزەوبوی ئەرا خاسەوبوینیان، ئەمیتاب یەکەم جار راگەیان لە تووشهاتن خوەی وە ڤایڕۆسەگە لە ١٢ی تەمووز، و هەمیش خوەی یەکەم کەس بوی ک راگەیان خاسەوبوین وەیوەگەی شاجوان جهان وەرین و ئەکتەر هیندی ئایشواریای ٤٦ ساڵان، و کوڕەرزاگەی ک تەمەنی ٨ ساڵانە، لە ڤایڕۆس کۆرۆنا.

ئەمیتاب هەسارەی بۆلیۆد وەناوبانەگ، نەتوێنست ئەسرەگانی بگرێد لەناو خەسەخانەگە وەختا زانست ک هاوسەر کوڕەگەی و کوڕەرزاگەی لە ڤایڕۆسەگە خاسەوبوین.

 ئەمیتاب  لە ماڵپەڕەگەی لەبان  تویتەر ک دەور ٤٣ مەلیۆن کەس لە جهان چەودیریی کەن، نووسان:  خوەی گیرست وەختا زانست وەخاسەوبوین وەویەگەی و کوڕەرزاگەی لە کۆڕۆنا،  خودایا بەرەکەتد بی کۆتاییە.

ئەمیتاب وتیش: خوەی و ئەبهیشیک کوڕی هیمان هانە خەسەخانە ئەرا چارەسەری وە چەودیری تیم پزشکی جیوازیگ، و ئایشواریا و دویەتەگەی لە خەسەخانەگە دەرچگن.