په‌یا بویه، هه‌ر له مناڵییه‌و كه‌سێگ فره ساده‌و مهره‌بان بوى، جه‌هانگیر فروهه‌ر باوگ له‌یلا، ك له‌بنه‌ماڵه‌یگ ده‌وڵه‌مه‌ن بوى، ته‌نیاو ته‌نیا هویر له‌سینه‌ما كردیاده‌و، هه‌ر وه‌یخاتره ئاخرێ بویه ئه‌كته‌رێگ ناودار ئیران، ئه‌وه‌یش كاریگه‌رى فره‌یگ له‌بان له‌یلا داشت.
جه‌هانگیر باوگ له‌یلا ك وه”باوگ شانۆ و سینه‌مای ئیران” ناسریاوید، تامردنی به‌شداری زیاتر له 80 فیلم سینه‌مایی كرد.
له‌یلا وه‌هاوكاری داڵگ وباوگی له‌عومر 8 ساڵان به‌شداری چه‌نه‌ها شانۆگه‌ری له‌ئه‌سفه‌هان كرد، ئه‌و له‌ساڵ 1965 به‌شداری له‌فیلمه‌یل (موراد و لاله) و (كه‌ڵه‌شێر جه‌نگه‌ری) كرد و چیه ناو بوار سینه‌ما، هه‌رچه‌ن عومری بویچگ بوى، وه‌لی ناودارى فره‌یگ وه‌ده‌سهاورد و نازناو “مناڵ سینه‌مای ئیران” به‌خشریا پێ، له‌یلا تا ساڵ 1979 به‌شداری زیاتر له 45 فیلم سینه‌مایی ئیرانی كرد.
ئه‌و له‌سه‌رده‌م جوانی وه‌هاوكاری مامۆستایگ وه‌ناو تاجبه‌خش، خوه‌ی هوكاره‌ی چه‌نه‌ها ئامێر مۆسیقا كرد وه‌تایبه‌ت ئامێر (سێ تار)، وه‌خاتر ئه‌و نواكه‌فتنه تویه‌نست له‌عومر 14 ساڵان یه‌كه‌مین ئه‌لبووم گورانی خوه‌ی وه‌ناو (شه‌میم) وه‌هاوكاری ئۆركسترایگ 40 كه‌سى له‌یانه‌ی میامی تاران پێشكه‌ش بكا.
له‌شوون هاتنه سه‌ركار حوكم ئسلامی، له‌یلا و داڵگ و باوگی دى نه‌تویه‌نستن دریژه وه‌كاره‌یل هونه‌رییان بیه‌ن، چوینكه حكوومه‌ت ئیران رێ وه‌پیان نه‌ئه‌یاد، وه‌یخاتره له‌مانگ 11ی 1986 له‌یلاو فه‌ریباى خوه‌یشگی ئیران هیشتنه جی.
له‌یلا وه‌ل خوه‌یشكه‌گه‌ی دویاێ دو هه‌فته له ده‌رچینیان له ئیران ره‌سینه ولایه‌ت لۆس ئه‌نجلۆس ئه‌مریكا و سه‌رله‌نوو له‌وره ده‌سكردنه كاره‌یل هونه‌ری خوه‌یان.
ئه‌ى خانمه هونه‌رمه‌نده تائیسه 22 ئه‌لبوم گورانی دیرێ و تویه‌نستگه به‌شداری له‌چه‌نه‌ها كۆنسێرت بكا. هه‌میش وه‌گوره‌ی چه‌نه‌ها رووژنامه‌و گۆڤار ناودار فارسی، له‌یلا له فره‌تر هونه‌رمه‌نده‌یل تر فارس جیا ئه‌كریه‌ێده‌و، ئه‌وه‌سه ك ئه‌تویه‌نێ وه گشت شێوه‌یگ گورانی بچڕێ. له‌گورانی (پۆپ)ه‌و بگر تا كلاسیك، بیجگه له‌وه‌یش تویه‌نێ وه‌چه‌نه‌ها زووان جووراوجوور گورانی بچڕێ. جوور نموونه له‌ئه‌لبوم (Plant Of Harmony)ك له‌ساڵ 1996 بڵاوه‌وكریا، وه‌زووانه‌یل كوردی، ئنگلیزی، عه‌ره‌بی، توركی، ئه‌فغانی، ئیتاڵی، ئه‌رمه‌نی، ئسرائیلی و یونانی گورانی چڕیه. بیجگه له‌و ئه‌لبوومه له‌یلا له ئه‌لبوومێگ تر خوه‌ی گورانی (به‌رزی به‌رزی) ناسر ره‌زازی، وه كوردی چڕیه، ك له‌رووژهه‌ڵات كوردستان ده‌نگه‌وداین فره‌یگ داشت و له‌ساڵه‌یل ده‌رچوین ئه‌و گورانییه له‌فره‌تر تۆمارگاگان وه‌ئاشكرا ئه‌و گورانییه په‌خشه‌و كریا.
له‌یلا ئمساڵیش ئه‌را دویه‌مین جار گورانی كوردی چڕێ، له‌مانگ ئازار ئمساڵ دویایین ئه‌لبوم خوه‌ی بڵاوه‌وكرد وه‌ناو ( From My Hear) ك له سێنزه تراك پێكهاتگه، له‌ى سێنزه تراكه، سێ تراك له‌گورانییه‌گان وه‌زووان كوردى چڕێ، ك گورانییه‌گان وه‌ى ناوه‌یله‌نه (گیان گیان، ڤاران ڤارانا، كابوكێ ). له‌یلا له‌گورانی كابوكێ ئه‌وه ده‌رئه‌خاد ك دویه‌ت كورده‌یله، ئه‌و خانمه هونه‌رمه‌نده له‌ساڵ 2009 ئه‌را یه‌كه‌مجار هاته كوردستان و وه هاوكاری كۆمپانیای بابیلۆن ئاهه‌نگ گه‌ورا‌یگ له‌شاری هه‌ولێر سازكرد و خوه‌شحاڵی خوه‌ی وه‌هاتنى ئه‌را كوردستان نیشاندا.
ا. ج
جه‌هانگیر باوگ له‌یلا ك وه”باوگ شانۆ و سینه‌مای ئیران” ناسریاوید، تامردنی به‌شداری زیاتر له 80 فیلم سینه‌مایی كرد.
له‌یلا وه‌هاوكاری داڵگ وباوگی له‌عومر 8 ساڵان به‌شداری چه‌نه‌ها شانۆگه‌ری له‌ئه‌سفه‌هان كرد، ئه‌و له‌ساڵ 1965 به‌شداری له‌فیلمه‌یل (موراد و لاله) و (كه‌ڵه‌شێر جه‌نگه‌ری) كرد و چیه ناو بوار سینه‌ما، هه‌رچه‌ن عومری بویچگ بوى، وه‌لی ناودارى فره‌یگ وه‌ده‌سهاورد و نازناو “مناڵ سینه‌مای ئیران” به‌خشریا پێ، له‌یلا تا ساڵ 1979 به‌شداری زیاتر له 45 فیلم سینه‌مایی ئیرانی كرد.
ئه‌و له‌سه‌رده‌م جوانی وه‌هاوكاری مامۆستایگ وه‌ناو تاجبه‌خش، خوه‌ی هوكاره‌ی چه‌نه‌ها ئامێر مۆسیقا كرد وه‌تایبه‌ت ئامێر (سێ تار)، وه‌خاتر ئه‌و نواكه‌فتنه تویه‌نست له‌عومر 14 ساڵان یه‌كه‌مین ئه‌لبووم گورانی خوه‌ی وه‌ناو (شه‌میم) وه‌هاوكاری ئۆركسترایگ 40 كه‌سى له‌یانه‌ی میامی تاران پێشكه‌ش بكا.
له‌شوون هاتنه سه‌ركار حوكم ئسلامی، له‌یلا و داڵگ و باوگی دى نه‌تویه‌نستن دریژه وه‌كاره‌یل هونه‌رییان بیه‌ن، چوینكه حكوومه‌ت ئیران رێ وه‌پیان نه‌ئه‌یاد، وه‌یخاتره له‌مانگ 11ی 1986 له‌یلاو فه‌ریباى خوه‌یشگی ئیران هیشتنه جی.
له‌یلا وه‌ل خوه‌یشكه‌گه‌ی دویاێ دو هه‌فته له ده‌رچینیان له ئیران ره‌سینه ولایه‌ت لۆس ئه‌نجلۆس ئه‌مریكا و سه‌رله‌نوو له‌وره ده‌سكردنه كاره‌یل هونه‌ری خوه‌یان.
ئه‌ى خانمه هونه‌رمه‌نده تائیسه 22 ئه‌لبوم گورانی دیرێ و تویه‌نستگه به‌شداری له‌چه‌نه‌ها كۆنسێرت بكا. هه‌میش وه‌گوره‌ی چه‌نه‌ها رووژنامه‌و گۆڤار ناودار فارسی، له‌یلا له فره‌تر هونه‌رمه‌نده‌یل تر فارس جیا ئه‌كریه‌ێده‌و، ئه‌وه‌سه ك ئه‌تویه‌نێ وه گشت شێوه‌یگ گورانی بچڕێ. له‌گورانی (پۆپ)ه‌و بگر تا كلاسیك، بیجگه له‌وه‌یش تویه‌نێ وه‌چه‌نه‌ها زووان جووراوجوور گورانی بچڕێ. جوور نموونه له‌ئه‌لبوم (Plant Of Harmony)ك له‌ساڵ 1996 بڵاوه‌وكریا، وه‌زووانه‌یل كوردی، ئنگلیزی، عه‌ره‌بی، توركی، ئه‌فغانی، ئیتاڵی، ئه‌رمه‌نی، ئسرائیلی و یونانی گورانی چڕیه. بیجگه له‌و ئه‌لبوومه له‌یلا له ئه‌لبوومێگ تر خوه‌ی گورانی (به‌رزی به‌رزی) ناسر ره‌زازی، وه كوردی چڕیه، ك له‌رووژهه‌ڵات كوردستان ده‌نگه‌وداین فره‌یگ داشت و له‌ساڵه‌یل ده‌رچوین ئه‌و گورانییه له‌فره‌تر تۆمارگاگان وه‌ئاشكرا ئه‌و گورانییه په‌خشه‌و كریا.
له‌یلا ئمساڵیش ئه‌را دویه‌مین جار گورانی كوردی چڕێ، له‌مانگ ئازار ئمساڵ دویایین ئه‌لبوم خوه‌ی بڵاوه‌وكرد وه‌ناو ( From My Hear) ك له سێنزه تراك پێكهاتگه، له‌ى سێنزه تراكه، سێ تراك له‌گورانییه‌گان وه‌زووان كوردى چڕێ، ك گورانییه‌گان وه‌ى ناوه‌یله‌نه (گیان گیان، ڤاران ڤارانا، كابوكێ ). له‌یلا له‌گورانی كابوكێ ئه‌وه ده‌رئه‌خاد ك دویه‌ت كورده‌یله، ئه‌و خانمه هونه‌رمه‌نده له‌ساڵ 2009 ئه‌را یه‌كه‌مجار هاته كوردستان و وه هاوكاری كۆمپانیای بابیلۆن ئاهه‌نگ گه‌ورا‌یگ له‌شاری هه‌ولێر سازكرد و خوه‌شحاڵی خوه‌ی وه‌هاتنى ئه‌را كوردستان نیشاندا.
ا. ج