شەفەق نیوز/ لیوناردۆ دافنشی هونەرمەن وینەکیش و خاوەن بەهرەی ئیتالی، باس دروسکردن سای کەسەیل لەناو وینەیلی کرد ک وت: رووشنایی تیژیگ، سای رەنگینیگ دروس نیەکەێد، وریا بوو لە رووژیگ فرە رووشن، بنووڕە ئیواران، یا لەناو تەم، بنووڕە ڕەنگینی و ناسکی ژن و پیاوەیل، ئەو ژن و پیاوەیلە ک لەبان ری تاریک رەی بوود، لەناوبەین دیوارەیل سیای ماڵەیل، یە خاسترین رووشناییە، با سایەگە کەمکەم لەناو رووشنایی ئاڵشت بوود، یا گوما بوود، جویر دویەکڵیگ، یا ئاواز مۆسیقای خوەشیگ، بخە یادد ک ناوبەین رووشنایی و تاریکی چشتیگ ناوڕاس هەس، لە هەردگیان بووە، تا بوودە رووشناییگ سایەدار، یا رووژیگ تاریک.

لە تابلۆی «مزگانی»، لیوناردۆ ئەو دویەتە وە گیس درویژ و کلگەیل باریک و سینەی گەپیگ و دەمچەو رەنگینیگ کیشێد، پڕتاڵەگەی وەشیوەی رەنگینیگ سڕیاگەسە خوار، و چەو خوەشی تیەێد بنووڕێدە روخساری.

«مادۆنەیل» لیوناردۆ هەمیشە جویر بیگوناه دیار دەن، دەمچەویان لە مناڵ کێد، و روخساریان فرە هویرد و تورتە، بیگومان شیوەیان هیلێد زیاتر بنووڕی.

کارەیل لیوناردۆ نووڕین فرە قویلیگ خوازن، هەرچەن خوەی لە باوەتەیل فرەیگ نویسان، باوجی ئەوەگ لە کارەیل جیاوازی وەپیمان رەسیە تەنیا چشت کەمیگە، لەوەر کەمی ئەڵگەردان لەو زوانەیل ئەرا زوان کوردی.