شەفەق نیوز/ وەڕێوەبەرایەتیی گشتیی رووشنهۊری و هونەری هەڵەبجە، ئمڕوو دووشەممە،  پێشانگەی ئەرا بۆ بڕێ لە هونەرمەدەیل پارێزگای هەڵەبجە واز کرد. 

محەمەد فەتاح، بەڕێوەبەری گشتیی رووشنهۊری و هونەری هەڵەبجە، ئوەا رووژنامەوانەیلە ڕاگەیان: "ئمڕوو دووشەممە 22/11/2021 پێشانگەیگ ئەرا 32 هونەرمەند پارێزگای هەڵەبجە واز کردیمنە و پێشانگەگە كار هونەریی جۊر: پەیكەر، سیرامیك و نیگاركێشیی هاناوی". 

وتیش: "ئومیدخوازم ئی جۊرە چالاكیەیلە وەردەوام بوود و گشتمان بتۊیەنین هاوكاریی ئەو هونەرمەندەیل  بیەیمن". 

وەڕێوەبەر گشتیی رووشنهۊری و هونەر هەڵەبجە باس ئەوەیش کرد: "ڕێز لەو توانایل هونەرییە گریمن ک هونەرمەنەیل ئمڕوو پێشكەشی کردنە، وە ئومید ئەوە ک  خەون ئەوەکان وەجی باریمن و بتۊینیمن گگەلەریگ تایبەت وە هونەری شێوەكاری لە شار هەڵەبجە دروست بکەیمن".