شەفەق نیوز/ ریخریاگ هەنگاو ک کار ماف مرۆڤ کەێد، ئمڕوو شەممە، راگەیان ک دەسەڵاتەیل ئیران هونەرمەن کورد وەناوبانگ "عەزیز وەیسی" دەسگیر کردن.
ریخریایەگە لە بەیاننامەیگ رەسیە ئاژانس شەفەق نیوز وت: هونەرمەن عەزیز وەیسی لەلایەن دەسەڵاتەیل ئیران لە شار جوانڕۆی کوردی ئیران دەسگیر کریا.
بەیاننامەگە وتیش: ئەو دەسگیرکردنە لەوەر توومەتبارکردن هونەرمەندە هاتیە وە پاڵپشتیکردن ناڕەزاییەیل ئیسە لە ئیران.
هونەرمەن عەزیز وەیسی لە ناودیارتین هونەرمەنەیل جەماوەری دریەێدە قەڵەم، و رەگەزنامەی ئیرانیە، لە لەی دە ساڵ دویاییە لە هەرێم کوردستان وەشیوەی وەرچەویگ وەناوبانگەو بوی، لەناو بڕیگ لە ئاهەنگەیل گورانی چڕێد.