شەفەق نیوز/ سەرۆک شارەوانی دەرینجە سەروە شار كۆجەیلە لە توركیا، كۆنسێرتیگ گەورەی ئاینوور دۆغان، خانمە گورانیچڕ ناودار باكوور كوردستان شیوەنێد، و ئۆپۆزسیۆن توركیا وە دژ ئەو بڕیارە هاتیەسە دەنگ. 

شارەوانی دەرینجە، سەروە پارت داد و گەشەپێدان (ئاكەپە)، وە فەرمی كۆنسێرت ئاینوور دۆغانی وسان. 

سەرۆك ئۆپۆزسیۆن توركیایش دژ ئەو بڕیارە وسیا و وت: ”وە ئازادی لەداڵگ بویمنە و وە ئازادییش مریمن. 

كەمال كلیچدارئۆغلۆ، سەرۆك پارتی گەل كۆماری (جەهەپە) ک گەورەترین پارت ئۆپۆزسیۆن توركیاس، لە هەژمار تایبەت خوەی لە تویتەر، پشتگیری خوەی ئەرا ئاینوور دووپات کردیە.

كلیچدارئۆغڵو نۊسان: ”میوزیك شەوانە قەیەغەس، شارەوانی ئاكەپە میوزیك كوردی قەیەغە کەێد، ك ئەگەر وەیجویرەس با دەستوور ئاڵشت بکەیمن و گشت باوەتیگ سەرگەرمی قەدەغە بكەن، وتیش: ئەی ئاكەپە یە خاس لە مەغزی بنەێد،  ک وە ئازادی لەداڵگ بویمنە و وە ئازادییش مریمن.   

ئاینوور دۆغان، لە 11/3/1975 لە باكوور کوردستان لەداڵگ و باوگیگ كورد پەیا بویە، گورانیەیلی وە كوردیین و ناوبانگی گەورەیگ لە توركیا و دەورگردی دیرێد، ئاینوور خاوەن چەنها ئەلبوومیگ گورانیە. 

پێشانگەی میوزیک جەهانی وۆمێکس 'WOMEX''' خەڵات هونەرمەن ساڵ 2021 وە ئاینوور دۆغان وەخشیە.