شەفەق نیوز/ خانمە ئەکتەر ئیتالیا و جهان، مۆنیکا بیلۆچی چەن گرتەی نوو خوەی بڵاو کەێد، وە شیوەی رەنگین و گەنج و قەشەنگ لەناویان دەرچگە.

ئەو گرتەیلە ک مۆنیکا بڵاویان کردگە، ئەرا رێکلام کۆمپانیایل بوینە، وەلێ جوانی ئەو خانم ٥٦ ساڵانە بویەسە سەرسامی دووسەیلی.

مۆنیکا لە داڵگبوی ساڵ ١٩٦٤ شار  «تیشیتا دی کاستیلۆ» لە ناوڕاس ئیتالیاس، لە تەمەن ٢٣ ساڵانی وێنەیل خوەی لە چوارچیوەی سنوورەگە بڵاو کردگە، ئیجا لە ساڵ ١٩٨٨ لە ئاست ئەوروپا وەناوبانگەو بوی.

لە ساڵ ١٩٩١ روی کەێدە جهان ئەکتەری و لە چەن فیلمیگ فرە گەورە بەشداری کەێد، و لە ساڵ ٢٠٠١ کۆڤاریگ وەناوبانگ جوور ٢١مین ژن جوان لەناو ١٠٠ ئافرەت جهان پەسەن کریا.

لە ساڵ ١٩٩٦ هاوسەرگیری وەگەرد ئەکتەر وەناوبانگ فینسنت کاسل کرد و بویە خاوەن دوو دوێەت، وەلێ لەساڵ ٢٠١٣ جیاوە بوین.