نويسینگه‌ی بهروز محه‌مه‌د ساڵح پارێزگار سلێمانی ئاشكرايه‌و كردگه ك پارێزگار سلێمانی له دیوان پارێزگا پێشوازی له ده‌رهاوه‌ر هه‌ڵكه‌فت مسته‌فا كرد و له دیدارێگ باس دويایين به‌رهه‌م ئه‌و ده‌رهاوه‌ره كردنه ك به‌رهه‌مهاودن فیلمێگ سینه‌ماییه له‌بان ئاست ناوده‌وڵه‌تی وه‌ناو ڤیزه‌ی شنگن.
له‌و دیداره ده‌رهاوه‌ر هه‌ڵكه‌وت مسته‌فا باس فيلمه‌گه‌ی كردگه‌و وتگه، ڤیزه‌ی شنگن باس له دو جوان كورد ئه‌كا ك دو جفت كڵاش ئه‌را هه‌ردو هه‌ساره‌ی تووپان جه‌هان مێسی و كریستیان ڕۆناڵدۆ دروس كردنه و بڕیاره له ئاينده‌ێگ نزیك پێشكه‌شیان بكه‌ن.
وتیش: ئى پرۆژه له بان ئاست ناوده‌وڵه‌تی به‌رهه‌م ئه‌يه‌ێ و بڕیاره ساڵ ئاينده له‌بان ئاست جه‌هان بڵاوه‌و بكريه‌ێد.
له‌وه‌رانوه‌ر، پارێزگار سلێمانی پشتگیری خوه‌ی نيشاندا ئه‌را كاره‌گه‌ی ده‌رهاوه‌ر و ئاماده‌یى خوه‌ی نیشاندا ك كارئاسانی و هاوكاری ئه‌را پرۆژه‌گه‌یان بكاو هاوكاری و پێشوازی له ستاف به‌رهه‌مهاوردن بكا ك بڕیاره له مانگ ئاينده بچنه شار سلێمانی.
بڕیاره سێ كۆمپانیای نه‌رویجی، ئسپانی و به‌ریتانی به‌شداری بكه‌ن له به‌رهه‌مهاوردن ئه‌و پرۆژه، به‌ش فره‌ی فیلمه‌گه‌يش له شار سلێمانی و شار مه‌درید ئسپانی وێنه‌ی ئه‌گیريه‌ێ.
ا. ج