(خدر كه‌ریم) سه‌رۆك شاره‌وانی هه‌ڵه‌بجه وه سايت NNA وتگه، له‌شوون ئه‌وه‌گ هونه‌رمه‌ند (عه‌باس كه‌مه‌ندی) سه‌ردان هه‌رێم كوردستان كردو پێشانگه‌یگ له‌شار سلێمانی واز كرد، له‌سه‌ر داوای شاره‌وانی هه‌ڵه‌بجه، ئه‌و هونه‌رمه‌نده سه‌ردان هه‌ڵه‌بجه‌ی شه‌هید كرد.
خدر كه‌ریم وتیش:"هونه‌رمه‌ند عه‌باس كه‌مه‌ندی یه‌كه‌م هونه‌رمه‌ند بويه، ك شعرو گۆرانی ئه‌ڕا هه‌ڵه‌بجه وتگه، جوور وه‌فایگيش ئه‌ڕا ئه‌و هونه‌رمه‌نده، وه‌خاس زانستيمنه‌ێ ده‌عوه‌تێ بكه‌يم ئه‌ڕا هه‌ڵه‌بجه".
له‌سه‌ره‌تای سه‌ردانه‌گه‌ی، كه‌مه‌ندی سه‌ردان سه‌رۆكایه‌تی شاره‌وانی هه‌ڵه‌بجه كرد، دوياتر سه‌ردان مه‌زار شه‌هیده‌یل كردو تاجه گوڵینه‌ی وه‌فا له‌بلت مه‌زار شه‌هیده‌يل دانا، له‌هه‌مان وه‌ختیش سه‌ردان مۆنۆمێنت هه‌ڵه‌بجه كرد.
هه‌ر له‌و چوارچێوه، كه‌مه‌ندی خوه‌شحاڵی خوه‌ی ئه‌ڕا ئه‌و سه‌ردانه نیشاندا، وت:"بڕیارداويم ئه‌گه‌ر له‌سه‌ره‌مه‌رگیش بووم سه‌ردان هه‌ڵه‌بجه بكه‌م، چوينكه خوه‌م وه‌به‌شێگ له‌ژانه‌يل هه‌ڵه‌بجه زانم".
NNA
ا. ج