فێشتر هه‌واداره‌يل له‌يدى گاگا كه‌سه‌يل كه‌م جووخ(ته‌مه‌ن) و جه‌وان له نيشته‌جيه‌يل شار سئۆل بوين. وه دڵنگه‌يل و ماكياژێ چوى له‌يدى خوه‌ى، چوينه ناو ئستاديۆم ئولۆمپى ئه‌ى شاره ك جى وه‌پا بوين كۆنسێرت له‌يدى بوى.
ئاماده بوين ئه‌ى هه‌مگه ئايه‌مه ئه‌وه‌يشه وه دڵنگه‌يل و مكياژه‌يل ئه‌ڵاجه‌وى و جوورايجوور، بويه سۆژه‌ى ئه‌را وێنه‌گره‌يل و رووژنامه‌وانه‌يل ناوخوه‌يى. يه‌يشه وه سه‌ر ئه‌وه ك هاتن كه‌سه‌يل ژێر 18 ساڵ ئه‌را ئه‌ى كۆنسێرته قه‌يه‌خه كرياويد.
چه‌نێ وه‌رجله يه نزيك وه 300 كه‌س له وه‌رايوه‌ر هۆتێلێ ك له‌يدى گاگا له‌تێ جى گرتويد وه نيشانه‌ى ناره‌زايه‌تى نيشاندان گرده‌و بوين.
يانه ئيچنه ئێژن: وه رێه‌وبردن ئاهه‌نگ و خوه‌ينن ئه‌ى گورانيچڕه، بێجگه له يه ك دڵنگ خاس ئه‌و وه‌ر ناكاو مه‌يل وه‌ره‌و ره‌گه‌زبازى ديرێد ك يه‌يشه ئه‌دێ وه بڵاو بوين فه‌رهه‌نگێ گه‌ن له ناو جه‌وانايل وڵاتيان./ش