شەفەق نیوز- یه‌کم ژماره‌ی مانگنامه‌ی دو زوانه‌ی کوردی و فارسی (فه‌راتاب) ک وه شێواز دیجیتاڵی، له دوسه‌د و هه‌شت لاپه‌ڕه، و وه شێواز چاپی ده سه‌د و چل و هه‌شت لاپه‌ڕه، به‌سریاگه، چاپ کریا.
ده ئی ژماره له شانزه په‌روه‌نده باس کریاگه ک به‌شێ له‌یان وتووێژن و بڕێ ئه‌ڵگه‌ردانن وه کوردی، قه‌یرێگیش گوزارش و یادداشت‌ئه‌ڵگرتنه‌یلێگن ک چاپ کریانە.
دووربانی و چاودێڕی وه بانان جمێشت کوردی ده تورکیه، به‌ش دیاری و تایبه‌تی ئی ژماره‌ی فه‌راتابه.
ده ئی به‌شه، وه‌رد پروفسور عه‌باس وه‌لی و عوسمان بایده‌میر، ده‌مته‌قه کریاگه.
شیکاری ده بان ئاڵنگ و ته‌ئسیر کرونا، وه وه‌ر چه‌م خستن کارنامه‌ی نوێنه‌ره‌یل کورد ده پارڵمان ئێران، کورده‌واری له کونای دووڕبڕگ و ده‌س‌وچاو وێنه‌کیشه‌یل، ئمجا ده دۆمابه‌شەگەیش ئه‌ڵگه‌ردانن نووترین کتاو دمیرتاش، نوێنه‌ر کورد ده پارلمان تورکیه ک ها ده به‌ندیخانه‌ی هووز ئه‌ردوغان، به‌ش به‌شێ له هه‌به‌شه‌ی شی کردنەوە و ته‌حلیل‌کاری ئی جاره‌نه.
مانگنامه‌ی فه‌راتاب، دوێیم ره‌سانه، هن هووز فه‌راتابه ک وه مودیری و به‌رپرسی دوکتور ئه‌رده‌شێر په‌شه‌نگ ، ده‌رانه ده‌ر.
ده‌فته‌ر گه‌په‌ی ئی گرووپه ها ده تێهران.
نویسه‌ره‌یلێ ک هان ده ئێران، هه‌رێم کوردستان و عراق، تورکیه و ئه‌ڤغانستان و .... ئە‌ڕا ئی گوڤارە، باوەت و چشت کل دکە‌ن و ئمگل ک دەرهاتە دەر، دە ئێران و عراق و هەولێریش بەش دکرێ.
دە ئی ژمارە، باس ئیلام فه‌یلی هه‌م کریاگه‌س