شەفەق نیوز/ خانمە هونەرمەن گورانیچڕ چۆپی فەتاح نووترین ڤیدیۆ کلیپ خوەی وەناو "ڕێگە" لە ئایندەی نزیکیگ بڵاوکەێد.
چۆپی لە هەشمار ئینستاگرامەگەی باس لە نووترین کار هونەریی خوەی کردیە ک کلیپ نوویگە وە ناو "ڕێگە" بڵاوکەێد.
راگەیان، هۆنراوە و ئاواز ئی کارەی وەلایەن هونەرمەن زیاد ئەسعەد ئەرای دانریایە و ئەمیر جەباریان کار ئەرەنجمێنتی ئەرای ئەنجام دایە، کارە موزیکیەیلی وەلایەن بریار فەتاح ئەرای کریایە.
چۆپی فەتاح، خەڵک شار كه‌ركوكه، له سه‌ره‌تای ساڵەیل (٢٠٠٠) ده‌س وە كار هونه‌ری كردیه، خاوه‌ن بڕیگ ڤیدیۆ كلیپ و ئه‌لبووم گورانییە، ماوەیگ پێشكه‌شكار ته‌له‌ڤزیۆن بۊیه، باوجی ئیسە واز له كار ڕاگه‌یانن هاوردیە، ماوەی چەن ساڵیگە ئەرا دۊیەم جار هاوسه‌رگیری كردیه و خاوەن دۊتیگە وەناو (لیڤیا).