عيماد هونه‌رمه‌نديگ ناسرياگ شار هه‌ولێر و كوردستانه ك هونه‌ره‌گه‌ی هونه‌ر ئسلاميه‌و له‌ساڵ ٢٠١٢ به‌شداری له بڵاوكردنه‌وه‌ی به‌رهه‌ميگ سێ كه‌سی كردگه‌و ٤ به‌رهه‌م له‌تی ديريدو تازه‌ترين كار هونه‌رييشی كۆنسێرتيگ بويه ك له دويه‌م رووژ مانگ ره‌مه‌زان له چه‌مچه‌ماڵ پيشه‌شی كردگه.
عيماد ئويشيد: تا ئيسه كليپيگ نه‌كردمه پڕ وه‌دڵ خوه‌م بوود، كليپه‌يلم له كه‌ناڵه‌يل ره‌سانن ئه‌رام ئه‌نجام درياگه وه هه‌وڵ و شه‌كه‌تی خوه‌يان و ته‌نيا چه‌ن كليپ كه‌ميگ له ڕوی سيناريۆوه وه‌دڵ خوه‌م بويه وه‌تايبه‌ت ئه‌و به‌رهه‌مه‌يله ك له‌ساڵ ٢٠٠٣ كليپ ئه‌رايان كردمه.
ئی هونه‌رمه‌نده هووكار ئی مه‌سه‌له‌يشه خسته‌سه پاڵ بار ماددی و هه‌ر له‌وه‌ر ئه‌وه‌يش نه‌تويه‌نستگه وه دڵ خوه‌ی و فكره‌ی خوه‌ی كليپ بكاو هه‌ر نه‌دارييش له‌يوا كردگه ئی هونه‌رمه‌نده كه‌م ديار بيه‌يدو نه‌تويه‌نيد كار ئه‌را به‌رهه‌م تازه‌يش بكا.
ج . أ