ئاهه‌نگه‌گه وه‌سپۆنسه‌ر لق 5 پارت ديمۆكرات كوردستان و ئه‌ڕا پشتگيری كردن له كانديده‌يل پارته‌گه له‌ليست هاوپه‌يمانی يه‌كگرتگ كورد(203) ئه‌ڕا هه‌ڵوژاردنه‌يل په‌رله‌مان عراق ڕێكخرياويد و زياتر له سێ هه‌زار كورد له‌به‌غدا ئاماده‌ێ بوين.
هونه‌رمه‌ند عه‌زيز وه‌يسی سه‌باره‌ت وه‌ئاهه‌نگه‌گه‌ێ له‌شار به‌غدا وه شه‌فه‌ق نيوز وت: "فره خوه‌شحاڵم ك جوور هونه‌رمه‌ندێگ ڕووژهه‌ڵات كوردستان هاتمه‌سه به‌غداو ئاهه‌نگ ئه‌ڕا كورده‌يل ئی شاره ساز كه‌م". زياتريش وت: "ئی ئاهه‌نگه سوپرايز گه‌وراێگ بوی ئه‌ڕا من چونكه چه‌وه‌ڕێ ئه‌وه نه‌كرديام هه‌زاران كورد له‌شار به‌غدا وه‌ی بارودوخ ناسه‌قامگيره بان ئه‌ڕا ئاهه‌نگه‌گه‌و به‌شداری له‌تێ بكه‌ن، من وه‌رجله‌يه له‌چه‌ن شارێگ كوردستان ئاهه‌نگ ساز كردويم وه‌لێ چه‌نه ئاهه‌نگه‌گه‌ێ به‌غدا مه‌ردم نه‌هاتوين".
ناوبرياگ سه‌باره‌ت وه شار به‌غدايش وت: "خه‌ڵك هه‌رێم كوردستان تا به‌غدا نه‌وينن، قه‌در كوردستان نازانن، وه‌لێ وه‌ل ئه‌وه‌يشا ك به‌غدا شارێگ وێرانكريايه‌و بارودوخ ناسه‌قامگيرێگ دێرێ، وه‌لێ فره شار دڵنشينێگه". 