شڤان په‌روه‌ر وەڕووژنامە ئەڵمانییەگە وتگە"من وه‌ل فره هونه‌رمه‌ند ناودار جه‌هانی ديدار كردمه، وه‌لی تا ئيسه وه‌ل هویچ هونه‌رمه‌ندێگ تورك نه‌هاتنه‌سه لای یه‌ك و له راسیا بايه‌د له ناونيمان دووسایه‌تی و ئاشتی بوود، ئه‌و هونه‌رمه‌نده‌يله ك وه كولتور توركیا په‌روه‌رده بوين هویچ نزیكه‌وبوينيگ ئه‌ڕاكێشه‌ی كورد نه‌ويه‌و، چمانێ هويچ كێشه‌یگ نييه، يه عه‌یب ئه‌وانه.
شڤان په‌روه‌ر ئەوەيش وتگە "كاریگه‌ری هونه‌رمه‌ند له‌مل كومه‌ڵگا هه‌س و بايه‌د هونه‌رمه‌نده توركه‌گانیش وه‌وشێوه نزیكه‌و بوون، من خوه‌م ئاماده‌م و ئيمه له‌ده‌س كه‌س نيه‌وا‌یمن له‌وه‌رئه‌وه من بانگه‌واز ئه‌ڕا هونه‌رمه‌نده‌یل تورك كه‌م.
شڤان په‌روه‌ر ئه‌وه‌يش وتگه ك خوازيار ئه‌وه بويه سه‌ردان جه‌لال تاڵه‌بانی سه‌رۆك كۆمار عێراق بكا له نه‌خوه‌شخانه‌گه‌ی له به‌رلین وه‌لی ئيچنه بزانم ئيسه لێوا چشتێگ ناكريه‌ێ، ئه‌و كه‌سایه‌تیه ئه‌ڕا ئيمه فره وه نرخه وه‌يخاتره ئاره‌زووی ته‌ندروستی وه‌په‌له ئه‌ڕای خوازیمن.
ا. ج