واتە، نووەوبوین سەردەمیانە شیوەی ژیان تایبەت وە تو دروس کەێد، و بایەتە لە ئەرزش چشتەیل هیمایی کەمەو نەکێد، وەبی خونجانن وشەیلیگ ئەرا کەمەوکردن کەس و چشتەیل چواردەور، چوینکە باوەڕ و هویر ئازادییگ کەسایەتی نەبایەت لەبانی قسەو باسیگ بکریەێد.

 لەی بنەمای نووە، بزووتنەوەی کۆبرا Cobra دەرچگ، ک یەیش بزووتنەوەی هونەریە لە هوتێل نۆتردام،  café de L’Hôtel Notre- Dam Pierre Alechinskye لە رووژ ٨ تەشرین دویەم ساڵ ١٩٤٨ دروس بوی، جویر وەرخودانیگ لەبان «دیکتاتۆریەت» ئەندرێه بریتون André Breton و زاڵبوین تەواوی لەبان سیریالیەی جەهانی ک خوەی بنەڕەتی داناد، و بزووتنەوەی کۆبرا خوازێد هویرەیل هونەری نوویگ بڵاو بکەێد، و گشت ژیانی لە پشتگیریکردن هەر دامەزراویگ دویر کەفت.

ناو کۆبرا لە یەکەمین پیت سێ پایتەخت ئەوروپای باکوور هاتگە: کۆبنهاگن Copenhague، و برۆکسل Bruxelles، و ئەمستەردام Amsterdam، ك ئەو گرووپ هونەرمەنەیلە خەڵک ئەو وڵاتەیلە بوین.

یەکەمین پیشانگا ک وەلایەن گرووپ کۆبرا سازیا لە ساڵ ١٩٤٩ بوی لە موزەخانەی ستیدلیک Stedelijk لە ئەمستەردام، وە ناونشان «بیشانگای ناودەوڵەتی ئەرا هونەر تاقیکردن»، و دویەم پیشانگا لە ساڵ ١٩٥١ لە کۆشک هونەرە جوانەیل لە شار لییگ Liège لە بەلجیکا.

 یەکیگ لە دیرینەیل ئی نووڕینە، هونەرمەن بەلجیکی بییر ئەلشنیکی Pierre Alechinsky بوی، ک خوەشی لە کۆبرا هات، ک کۆبرا وە هونەرەیل شعر و هونەر سەرەتایی و میللی و هونەر مناڵ کاریگەر بوی، و خوسەیان لە پیشکەشکردن کاریگ هات ک یەکیگتر گردیەسەێ، شیوەیل هیمایی لەناو کاریان بوی، رەفتاری لە هونەر کوینە و وینەکیشان زاڕوویەیل و جاروباریش لە هویر و رەفتار بەشیگ لە شیتەیل برد.

گرووپ کۆبرا گووڤار «کۆبرا» لە ساڵ ١٩٤٩ تا ساڵ ١٩٥١ دەرکرد، و کاریگەری فرەیگ لەبان هونەر ئەوروپا داشت.