فیلمە دیکۆمێنتارییەگە لە (٢١ تەمموز ٢٠٢٤) لە سینەما ئیمپایەر لە هەولێر و سیتی سینەما لە سلێمانی و سینەما دهۆک مۆڵ لە دهۆک نمایش کریەێد.
ئی بەرهەم سینەماییە لە خود بەروار لە سینەمایل ١٤ وڵات عەرەبی نمایش کریەێد، بەڵام تونس و مەغریب لە جەژن قوربان فیلمەگە پیشکەش کردن.
دویای هەڵسەنگاندن فیلمەگە، ئیمارات بڕیار نمایشکردنی دا، و پێشنیار کرد ئەوانەگ تەمەنیان هابان ١٨ ساڵەوەیە تەماشای بکەن، بەڵام مەرج تەمەنی دیاری نەکرد، و جویر پێشنیاریگ ئەرا تەماشاکەرەیل وەجی هیشتیە، تا ئەوانەگ تەمەنیان لە بان ١٥ ساڵە بتوەنن تەماشای فیلمەگە بکەن.
تا ئیسە بڕیار لەبان نمایشکردن فیلمەگە لە بەغدا نەدریاس، دەرهێنەرەگەیش چەوەڕیی وەڵام وەزارەت رووشنهویری و گەشتوگوزار عراق کەێد.
فیلم دیکۆمێنتاریی "شاردنەوەی سەدام حسێن" باس لە عەلا نامیق کەێد کە توەنست تا ماوەی ٢٣٥ رووژ سەدام حسێن لە کونایگ بشارێدەو لە وەختیگ ١٥٠ هەزار سەرباز ئەمریکی مینەی کردیان.
فیلمەگە ئەرا یەکەمجار لە سینەما ناودەوڵەتییەیل لە مانگ تشرین دویەم ساڵ ٢٠٢٣ لە ئەمستردام پایتەخت هۆڵەندا نمایشکریا لەناو ئەو وڵاتە عەرەبیەیلە کە ئەرا یەکەمجار فیلمەگە لەناویان نمایشکریا لە شار جددەی پایتەخت سعوودیە بوی.