شەفەق نیوز/ بومب لەجیای گوڵ، و نەفرەت لە جەنگ... یانە ناونشانەیل ئەو تابلۆیلە بۊن ک خانمە ئۆکرانی ناودیار ماریا بریماچینکو دروسیان کردگە، ک کارەیلی لەژیر پەلامار رووسیا لەبان موزەخانەیگ نزیک کیێڤ کەفتنە وەر سزیان.  

ماریا بریماچینکو ک لە ساڵ ١٩٩٧ مردگە، یەکیگە لە وەناوبانگترین هونەرمەنەیل ئۆکرانیا،  و کارەیلی جۊر قیژەیگ لە رۊ جەنگ بۊ.    

جەنگ لە ساڵ ٢٠٢٢ دووارە گلەو خوارد، تا دۊای مردنییش بڕەسێدە بەشیگ لە کارەیلی.   ئۆلیگ فیرجیلیس رووژنامەوانیگە کار لە باوەت هونەری کەێدز لەبان فەیسبووک نۊسان: بەشیگ لە تابلۆیل بریماچینکو دۊای پەلامار دوژمن لەبان موزەخانەیگ لە ناوچەی ئیڤانکیێڤ لەناوچەی کیێڤ سزیان.