شەفەق نیوز- سریال (نوون خێ)، بی وە دڵخوازترین سریاڵ تلیفزیانی دە ئێران.
ئی سریاڵە ک باس ژیان کوردەێلە دە ئاوایێ دە کرماشان دکرد، وە دەس سەعید ئاغاخانی، دەرهێنەر نامدار بیجاڕی دەرهاتە دەر ئوو ئی نەورووزە، سێیم چین ئی سریاڵە لە تلیفزیان ئێران، وە زوان فارسییەو پەخشەو کریا.
ئی دەنگ‌‌پرسییە لە لایەن بەرنامەیێگێ تلیفزیانی وە نام (سریالیست) نریا ئوو دەنگ و رای بینەرەێلە وە شێوەیێگێ ئانلاین و لە سەرانسەر ئێران گیریا.
دەێ دەنگ‌خوازییە، ئی سریاڵە بان چل و هەفت لە سەد دەنگ هاورد و ئەو پەنج سریاڵەێ تر وە بان یەکا پەنجا و دو لە سەد دەنگ هاوردن.
دوفێشتر وازیکارەێلەێ ئی سریاڵە، کوردزوان بین.