شەفەق نیوز/ ڤیستیواڵ ناوچەیی "هوورە" لە شارۆچکەی چوار لە پارێزگای ئیلام وە ئامادەبوین شمارەیگ لە وەرپرسەیل پارێزگاگە دەسوەپیکرد.
وپای خەوەریگ سایت "خەوەری میهر"، لە رسوومەیل وازکردنەگە وەڕێوەبەر گشتی رووشنهویری و رینمایی ئیسلامی عەلی هەلشی لە پارێزگای ئیلام ئامادەبوی لە یەکەمین ڤیستیوال ناوچەیی هوورە.
جی باسە، ڤیستیواڵەگە دویکە جومعە دەسوەپیکریاس و تا سوو یەکشەممە وەردەوامە.
هوورە لە موسیقای کوردی جویرە ئاوازیگە وە زوان کوردی چڕیەێد، وە تایبەت ناوچە کوردیەیل خوەرئاوای ئیران، هوورە نە تەنیا هونەریگە بەڵکم میراتییگ رووشنهویری و زوانی زینگە لە مێژوو و هونەر و ناسنامەی مەردم زاگرۆس.