شەفەق نیوز/ دویای هەیشت کومەڵە شیعری و کتاویگ لە رەخنەی ئەدەبی، شاعیر و نووسەر کورد سوری ئەدیب حەسەن محمد، یەکەم رۆمانی ( خەزەفکار سەرەهەرزە) دەرکرد، ک قۆناغ گرنگ و ناسکیگ لە نەهامەتی سوریا نشاندەێد، وناوچەی جەزیری سوری کەێدە شانۆی رۆمانەگەی، لە کەسایەتی سامان کورد ک وەبی شناسنامە وهەسی خوەی لەبان خاک باوگ وباپیرەیلی گوزران کەێد، لە ناوچەیگ فرە ئاین و نەتەوە.

رۆمانەگە لە فرە شوونیگی زوانیگ شاعیرانە ئاشکرا کەێد، ک لەباس چیرۆکەگەی چوود وەرەو باسەیلیگ ک بۆچوون و شیکردنەوەی ئەدەبی خوازێد، وهەمیش نووسەرەگە چەن شیوەیگ لە رەفتارەیل نووسین وەکار تیەرێد، جوور سیمای سینەمایی لە چەن وەرزیگی، و تەکنیک شانۆیی لە وەرزەیلیگ تر، وەلی مەچیرە دڕاماییەگەی یەواش یەواش ئاشکرا بوود تا کۆتایی رۆمانەگە.

لە پشتپەردەی باسکردن دوو سەردەم، ک ماوەی پەنجا ساڵ هالە ناوبەینیان، بەڵکم لەناو رۆمانەگە یەکەو گرن، ولەبان ری دریژیگ وە شان یەکەو چن، تا وە رووداوەیلیگ ناکاوی و چەوەڕی نەکریاگ یەکەو گرن.

رۆمانەگە وەزوان عەرەوی لە ماڵ  (مۆزاییک) لە تورکیا دەرچگ، وە ١٩٦ لاپەڕەی ناوڕاسین.