شەفەق نیوز - بەغداد

سەندیکای هونەرمەنەیل عراق، ئمڕوو چوارشەممە، کووچ دوایی هونەرمەن شێوەکار عراق شامال عومەر راگەیان.

 سەندیکاگە لە بەیاننامەیگ کە رەسیە  ئاژانس شەفەق نیوز راگەیان: "وە خوسەی فرەیگ  کووچ دویای هونەرمەن  شامال عومەر راگەیەینین، کە ئمڕوو لەی دونیایە ماڵئاوایی کرد، و لە خودای مەزن داوا کەیمن  وە مێهرەبانی فراوان خوەی شادی بکەێد و سەبوری و دڵنەوایی ئەرا کەسوکار و دوسەیلی بدەێد".

هونەرمەن کووچکردگ گەورە شامال عومەر کە وە ئەزموونەیل شانۆیی تاقیکاری خوەی ناسریاگە و وەگەرد خێزانەگەی ئەکتەر نیگار حەسیب، تاقیگەی "لالیش" شانۆیی لە پایتەخت نەمسا ڤیەننا دامەزران لە ساڵ 1998.