وینەیل خانمە هونەرمەن ئیرانی ( بەهار سەبزیفاری) چەن قاتییگ کریاگە، و زوور وەبان باوەتەیل ناسنامە و سووز ئەرا جاران تیارێد، ک ئی خانم هونەرمەنە ئەفسانەیلیگ فارس لە کارەیلی خوەنێد، وەگەرد تیکڵاکردن ژیان هشکایی تا چاپ تایبەت خوەی دروس بکەێد.

ئی پەیوەندیە ناوبەین کەلتور سەردەمیانە و میژوو هونەر ری ئازادی ئەرا بەهار سەبزیفاری واز کەێد، تا هویرەیلی وە رەنگ بخەێدە بان پارچە پەڕوویگ یا کوتە چوویگ.

بەهار سەبزیفاری لە داڵگبوی ١٩٩٠ - ئیران، خانمە هونەرمەن شیوەکارە، لە نیویۆرک داکاسیاگە، شوینیگ ئەرا کار خوەی دروس کردگە، و هەمیشە لەناوی کار کەێد، ک وەشیوەی وینەگردن خوەی، یا باسکردن چیرۆک وە شیوەکاری، کار هونەریی ئەنجام دەێد.

زیاتر لە ١٥ ساڵە لەی پیشە کار کەێد، لە ئیران و ئەوروپا و ئەمریکا خوەنستیە، و نەخشەیل فارسی و هویردەکاری و کەسایەتیەیل ئاینی لەناو وینەیل خوەی تیکڵا کەێد، تا لەناویان ئاشکرای سووز ئەرا جاران بکەێد، و دروویگ لە سەردەمیگ گومابوی لە میژوو فارسی نشان بەێد.

کارەیلی باس ناسنامە، و ئازادی، و پاوەنکردن و هەس وە شوین کەن، و هەمیش خەیاڵ، و ئومید، و رخ، و خەو، و میژوو نشان دەن.

سەبزیفاری لە ئاکادیمیای هونەرەیل نیویۆرک خوەنستیە، هەمیشە روخسار خوەی نشان دەێد، ک تیکڵای کەێد وە نەخشەیل کوینە.

لەی زنجیرەی وینەیلە، وە ناونشان "Crown Series" بەهار سەبزیفاری شیوەی خوەی کیشاگە ک تاجەیل جیاواز کردیەسە سەر، و بڕیگیان جویر تاجیگ وە پەڕوو سوورە، و وینەی خەسرەو و شیرین هابانی، ک چوودەو ئەرا ئەفسانەی شاهنامەی فردووسی.