شەفەق نیوز/ زنجیرە ئەنیمەیشنی تایبەت وەئاسارەی توپان،  لیۆنێل مێسی، وەلایەن کۆمپانیای دیزنییەو سەنریاس و زنجیرەگە وە ناو "مێسی و زەبەلاحەگان" بوود.

ئێ زنجیرە زانستیی-خەیاڵییە وە هاوکاری کۆمپانیای سۆنی میوزیک ڤیژن و سۆنی پیکچەرز تەلەفزیۆن بەرهەمهاوریاس و دیزنی ماف پەخشکردنی سەنە، زنجیرەگە باس لە سەرکێشییەگان کوڕیگ تەمەن ١٢ ساڵان کەێد وەناوی لیۆ، کە لە ماڵەگەی خوەی لە ئەرجەنتین گوازێد ئەرا  ئەکادیمیای لاماسیا لە بارسێلۆنا.

جویر ئەوەگ لە کورتەی چیرۆکەگە هاتیە، لێۆ لەورا هوکار بوودرویوەروی ئاستەنگیەیل بوود و هەوەجە کەێد تیمیگ درسبکەێد و بوونەپاڵەوان، یەیش رەنگدانەوەی  بەهاگان کار وەکۆمەڵ و کۆڵنەدانە کە پێناسەی زندگی وەرزشی مێسی کەێد.