شەفەق نیوز- هەفتمین ژمارەی گوڤار شێعر کوردی، وە نام (لە داوێنی ئاربەبا) ک هن ئەنجومەن ئەدەبی شار بانەسە دە ئێران، وە سەرنویسەری (ک.د.ئازاد)، دەرهاتە دەر.

ئی مانگنامە جوور جار جاران بەشێ ناگە ئەڕا ناسانن شێعر کوردەیل فەیلی و ئیجارە  شێعرێ ناگە وە بنزار کوردی ئێڵ کورد پەهڵە ک وە بنزار پەهڵەیی ئوو بنزار کوردە‌لی هەم نامگیر بییە.

دە سێ لاپەڕە ٤٥-٤٦-٤٧ ئی گوڤارە، شێعرەگەێ (داڵکە) هن (نوور موحەمەد ناسری) ک لە بنەڕانەرەیل ئەنجومەن ئەدەبی کوردییە دە شار دێلێڕان (دێهلوڕان)، بڵاو کریاگە.

هە وەوچوونە ک ئی گوڤارە، ئامانەت‌داری کردگە و وتگە؛ ئی شێعرە لە بەش شێعر کوردی سایت هەواڵنێری شەفەق نیوز گیریاگە.

ئی گوڤارە دە لای کوردەیل فەیلی وە گوڤار دووسخواز کورد فەیلی دیاری کریاگە.

ئەڕا خوەنستن ئی گوڤارە، کلگ بننە ئێرە و کرتە بکەن ئەڵ سەرێ.