روئیا سەعەد/ بیدرۆ ئەلمودوڤار فیلمساز و دەرهێنەر ئیسپانی لە فیلم Talk to her میوزیک گوڵە لەیلای دووڵ، ئەو پارچە میوزیکە خەێدە کار کە لەناو یانەی شەوەیل ناسریایە، وەگەرد ریتم سەمایگ کوینە کە لەناو ساڵەیل پەنجاگان باو بوی لە ئاوازنویسان مۆسیقار رووسی ئۆسکار فلیتسمان کە لە شار ئۆدیسا لەداڵگ بویە، کە خوەی پزیشک نەشتەرگەری سوخانە، و لەباوگی پیانۆ ژەنین، ئیجا کەمەنجەیش هوکارە بوی لە بیوتەر و تاتینا گولدفارب یای گرد، و یەکەم پارچەی مۆسیقایی خووی لە وەخت زوییگ وەناونشان پاییز لە تەمەن شەش ساڵان نویسان.

دویای جەنگ جەهانی دویەم، رەفتار خوەی لە نویسانن مۆسیقا لە رەفتار کلاسیک بویە رەفتاریگ هەکاتی مۆسیقای کۆمیدیا و سێڕک، وەرد تیکەڵکردن گورانیەیل میللەتی، و جویر گامیگ وەرەو نووەوکردن لە کۆپلێەی مۆسیقا وەشیوەی گشتی.

وەگەرد بڕیگیش شاعر کار کرد جویر دافیدوفیچ و لیونید و ئۆلگا فادیڤا، لە ساڵ 1952 یەکەمین کۆنچیرتۆ لە سێ بەش لەبان کەمەنجە، و ئاواز ئەرا چەن پارچە شعریگ نویسان، و  هاوکاری وەرد نویسەرەیل و میوزیکزانەیل ناودیار جویر میخایل دولماتوفیسکی و ئەندرێه فوزنیسینسکی و رەسول حەمزاتۆف و ئۆشنان یوجین و رۆبیرت روژدیستفنسکی، کە گورانیەیل وەلایەن چەن هونەرمەنیگ ناودیار تەواو بوین جویر مارک بیرنز، ڤلادیمێر تورشین، بۆری تولکونۆڤا، ئەدوەر خیل، ئۆتسوف جۆزێف، وەلێ پارچە مۆسیقای گوڵە لەیلای دووڵ هەکاتی گوڵیگ دڵخوەشکەر، و دڵسووزی ئەرا چگن وەهار، فرەترین جەماوەر داشت.

لە ساڵ 2013، ئۆسکار فلیتسمان، نویسەر ئەو پارچە میوزیکە، لە تەمەن 91 ساڵەر لە شار مۆسکۆ مرد، و ئی چەپکە گوڵ مۆسیقا ئەرامان هیشتەجی: