پاريس جه‌كسۆن ئێژێ: ژيان كردن چوى مناڵ ئمپراتوور موسيقى پاپ فره سه‌خته.
ئمجا ئويشێ: وه مه‌مه‌ر يه‌گ له مناڵيه‌و وه‌ل ئازارو توندوتێژى هاومه‌دره‌سه‌يلێ رويوه‌روى ئه‌دێ، له ماڵ ده‌رس خوه‌نيه. وه‌لى بڕياردايه تا زاڵ بوود بان ئه‌ى مه‌سه‌ڵه‌و له ئاخريشێ تويه‌نستيه هه‌ڵه‌وگه‌ردێ وه مه‌دره‌سه.
پاريس له وه‌رده‌وامى قسيه‌يلێ له‌ى ديداره، ئيژێ: وه مه‌مه‌ر مه‌رج تايبه‌ت باوگم، فره كه‌س خوازن وه‌ليا دووسه‌و بوون، ته‌نانه‌ت بڕێ كه‌سه‌يليش له ته‌قلاى يه بوين ئه‌را به‌رژه‌وه‌ندى تايبه‌ت وه خوه‌يان وه كارێ بارن، وه‌لى مايكڵ هه‌ميشه له ته‌قلاى يه بوى تا مناڵه‌يلێ له‌ى چنه ئايه‌مه‌يل دويره‌و بكا.
مايكڵ هه‌ميشه له مناڵه‌يلێ خوازيه له ناو مه‌ردم وه ماسكه‌و بگه‌ردن، پاريس ئويشێ: ئه‌و وه‌خته مه‌مه‌ر يه‌گ بايه‌د ماسك به‌يم نه‌زانستيم و وه‌رده‌وام له لامان پرسيار بوى، وه‌لى ئيرنگه فاميم ك باوگم وه مه‌مه‌ر پاراستن ئه‌منى ئيمه، له‌يوا وه‌پيمان وتيه تا كه‌سێ نه‌ناسێده‌مان و ئه‌گه‌ر كه‌سيگيش وه‌لمانا نه‌وى، وه ئاسانى له ناو كۆمه‌ڵگا بگه‌رديم، بێ ئه‌وه‌گ كه‌سێ بزانێ كێن!.
ئه‌وى ئويشێ: ئه‌ى مه‌سه‌ڵه ئه‌را ئيمه ئه‌وسا ك مناڵ بويمن، فره مه‌يل كێش بويه، هه‌رچه‌ن نه‌زاستنه ئه‌ى كاره ئه‌منيه‌تيان گارانتى ئه‌كا.
پاريس جه‌كسۆن وه‌ى تازه‌يله چيه‌سه‌و ناو سينه‌ماى هۆليوودو بڕيار ئيچنه‌سه تا له فيلمێ نه‌خش بازى بكا./ش