ئه‌ى ئه‌كته‌ر ناودار هوليووده له ساڵ 2009 وه‌ل شويه‌گه‌ى(جاش كڵى)، دويه‌تێ بويچگ له كورياى باشوور چوى مناڵ خوه‌يان قه‌بول كردن، له سه‌ره‌تا هه‌ست كردياد ك داڵگ خاسێ نيه‌و هه وه‌ى مه‌مه‌ريشه ناتوانێ په‌يوه‌ندى خوه‌ى وه‌ل ئه‌ى مناڵه به‌رده‌وام بكا.
ئمجا كاترين وتيه: فره ته‌قلا كردم تا دويه‌ته‌م، چوى داڵگ خوه‌ى قه‌بولم بكا. هناى چوى داڵگ قه‌بول نه‌كردياد، وه راسى دى دڵم شكياو فره تويڕه بويام.
له سه‌ره‌تا هه خوه‌م سه‌رزه‌نش كرديام و ئيچنه هويره‌و كردم ك داڵگ فره گه‌نێگم. ماوه‌ى درێژى كێشا تا تويه‌نستم قه‌بول بكه‌م ك نياشتن باوه‌ڕى و ئراده‌و خوه‌م سرزه‌نش كردن، هويچ چشتێ چاره ناكا.
وه‌لى جاش فره زويتر له كاترين تويه‌نست وه‌ل ئه‌ى مناڵ 10 مانگانا په‌يوه‌ندى دروس بكاو ئه‌ى باوه‌تيشه هه‌رچشت ئه‌را كاترين سه‌ختره‌و كردويد.
كاترين ئويشێ: م حه‌سيوديم نات، وه‌لى كه‌مێگش له‌ى چنه چشتێ ره‌نجيام.
ئه‌ى ئه‌كته‌ر 33 ساڵه، له سه‌ره‌تا ته‌قلا كرد تا وه‌ل ئه‌ى باوه‌ته وه جوورێگ بسازێدو وه كاركردن خوه‌ى سه‌رگه‌رم بكا، وه‌لى فره‌ى زوى فامست ك ئيچنه كارێ نه‌ته‌نيا كێشه‌يل چاره‌سه‌رناكان، به‌ڵكو چشته‌يله‌گه خرواتره‌و ئه‌كا.
ئمجا كاترين ئێژێ: هناى ئه‌ى باوه‌ته فامستم، ده‌س وه‌جى له كاركردن ده‌س كێشام.
هناى كاترين و دويه‌ته‌ى وه‌خت فێشترێ وه‌ل يه‌كا مه‌نن، په‌يوه‌ندى ئه‌وان ئيسه كه‌مى خاستره‌و بويه./ش