شەفەق نیوز/ ئیلیزابێت هاکمان، دویەت ئەو ئەکتەر ئەمریکییە (جین هاکمان) ئاشکرای نووڕین خوەی کرد وەرانەور رویداو مردن باوگی وەرد بیتسی ئاراکاوای ژنی، و تووپیان سەگەگەیان لەناو ماڵ، وەگەرد ئەوە کە پولیس راگەیان کە هویچ گومان تاوانییگ لەی رویداوە نییە.

ئیلیزابێت هاکمان  (63 ساڵە) دیاری کرد کە هاتێ باوگی وەگەرد ژنەگەی وە ژەهراوبوین یەکانەی ئۆکسید کاربۆن بویە، وەلێ هیمان لەوە دڵنیا نییمن.

وتیش: پولیس هویچ نشانەیگ پەیا نەکرد کە گومان تاوانی لەناوی بوود، وتیش؛ باوگی و باوەژنی، لەوەخت خانەنشینیی لە ئەکتەرەی لە ساڵ 2004 تا ئیسە لەناو ماڵیان لە ویلایەت مەکسیکۆ ژیەن، و وەختەگەی وە کیشان تابلۆیل هونەری وەسەربرد.

 لەلای خوەییش، ئەدان میندۆزا کویخای ناوچەی سانتا فیه، دیاری کرد کە هیمان لێکۆڵینەوە وەردەوامە.

وتیش: تەرم ئەو ژن و شویە دویای رەسین ئاگاداری لە یەکیگ لە هاوسایەیل کە نیگەران بویە چوینکە چەوی نەکەفتیەسە هاکمان (95 ساڵە) یا ژنەگەی (63 ساڵە) کە پیانۆژەنیگ ناودیارە، و هەناێ پولیس رەسیە تیمیگ لە کۆمپانیای گاز و وەرگری شارستانی هاتنە تا دڵنیا بوون لە نەوین هەڵم ژەھراوی ئەرا بیوەییان مەوقەی  وەشکین ماڵەگە.

 پولیس دووپات کرد کە سەگەگەیانیش لەو رویداوە تووپیە.

جین هاکمان لە ساڵ 2004 واز لە کار ئەکتەری هاورد، تا پەردە لەبان ژیانیگ هونەری داگرێد کە تەمەنی زیاتر لە  60 ساڵ بوی، لەناوی بویە خاوەن دوو خەڵات ئۆسكار، و دوو خەڵات بافتا، و چوار خەڵاتی گۆڵدن گلوب، وەگەرد خەڵات سەندیکای ئەکتەرەیل.