شەفەق نیوز/ دویتە کوردیگ وە ناو وەناو "ئەڤین ئەحمەد" لە یەکیگ لە زنجیرە نووەگان تووڕ نێتفلێکس وە ناو "ئێرین کارتەر" بەشدارە و دەور ئەکتەریگ سەرەکی دوینێد.
چیرۆکەگە باس لە ماموستایگ بەریتانی کەێد لە ئسپانیا وەناو ئێرین کارتەر، کەفێدە ناو رویداویگ دزیکردن لەناو مارکێیگ هەنای یەکیگ لە دزەیل ناسێدەو تویش هەرەشە و گرفت بوود.
زنجیرەگە لە ماڵپەڕ IMDB کە ماڵپەڕیگ جەهانیە و نمرە وە فلیم و زنجیرە دەێد نمرەی ٦.٤ی وەرگردیە.
ئەڤین ئەحمەد دویتە ئەکتەریگ کوردی-سویدییە و لەساڵ ١٩٩٠ لەشار ستۆکهۆڵم لەداڵگبویە، لە ساڵ ٢٠٠٧ یەکەم کار فیلمسازی بەشداربویە تا ئیسە نزیکەی ١٣ کار هونەری ئەنجامدایە.