شەفەق نیوز/ دویەت هونەرمە گورانیچڕ ناودیار فارس موعین ئەسفەهانی چیە ناو ژیان هاوسەرگیری.
موعین ئەسفەهانی لە هەشمار تایبەت خوەی لە تووڕ کۆمەڵایەتی ئینستاگرام چەن وینەیگ رووژ هاوسەرگیری دویەتەگەی بڵاوکرد ئویشێد" نوڕستن وە تو وە دڵنگ سویر خەون من بوی ک هاتە جی، ئومید دڵخوەشی و خوەشبەختی بی پایان ئەراد خوازم، هیوا دیرم گشت داڵگ و باوگەیل جەهان ئی دڵخوەشی مناڵەیلیان بدوینن".
نەسڕوڵا موعین نەجەف ئابادی ناسریاگ وە موعین ئەسفەهانی لە ساڵ ١٩٥١ لە شار نەجەف ئاباد سەر وە ئەسفەهان لەداڵگبویە، ئیرنگە دانشتگ وڵات ئەمریکاس، دوو جار ژیان هاوسەرگیری پێکهاوردیە، ک خاوەن دوو مناڵ دویەتە وە ناوەیل پەریچێهر و ستارە، موعین خاوەن چەندین گورانی و ڤیدیۆ کلیپە، وە دوو ستایل پۆپ و سونەتی گورانی چڕێد هەوادار فرەیگ دیرێد.