رفنێد شەفەق نیوز/ هونەرمەن کورد ناسریاگ دڵشاد ئەحمەد، ئمڕوو دووشەممە،لەناو یەکیگ لە خەسەخانەیل سوید، دويا کووچی کرد.
یەکیگ لە برادەرە نزیکەیل لە رەحمەتی دڵشاد ئەحمەد لەبان ماڵپەڕ خوەی لە تووڕە کۆمەڵایەتییکان ک ئاژانس شەفەق نیوز چەودیریی کرد نووسان؛ ک ئەکتەر وشانوکار دڵشاد ئەحمەد ئمڕوو لە دویای ماوەیگ لە تووشهاتنی وە سەرەتان لە یەکیگ لە خەسەخانەیل سوید دویا کووچی کرد.
دڵشاد ئەحمەد وەرپرس سەندیکای هونەرەجوانەكان کوردی لە یوتوبری لە سوید بوی، و وەرپرس بڕ هەڵپەڕکەی کوردی بوی ک بویە خاوەن ناودیاری فراوانیگ و ساڵانە لە جووراجور وڵاتەیل جهان چالاکی کردیاد.
دویاترین كارەیل هونەرمەن دڵشاد ئەحمەد، ئەکتەر بوی لە شانویگ وەناونشان (داڵگ) لە شار سلێمانی.