شەفەق نیوز/ دویای یەی رووژ لە مردن خانمە هونەرمەن سوری، ئینجی موڕاد، سامر حەقی شویی، ئمڕوو دووشەممە، مردن عەلی سامر کوڕیان راگەیان.

 حەقی لە پۆستیگ لەبان فەیسبووک کوڕ ئازیزم عەلی سامر حەقی چگە لای خودای خوەی.

 وتیش: هاوبەش ژیانم چگ، وەرجەیەگ باوەش بکەێدە کوڕەییش، کە چەوەڕیی کردیاد، ئمڕووییش، عەلی کوڕم چگە لای داڵگی و وەتەنیا لەی جەهانە هیشتەمەجی، چماێ گیانم وەردیان چگ، و تەنیا یادیان و نزاکردن ئەرام مەنەو، خودا بەزەیی وەپیدان بکەێد، و وەرد ئیوە گردمەو بکەێد، إنا لله وإنا إليه راجعون.

دویەکە یەکشەممە، خانمە هونەرمەن ئینجی موڕاد، دویای چەن رووژیگ لە هەفتەی لە خەسەخانە گیانی لەدەسدا.

ئینجی وەرجە مردنی، پۆستیگ بڵاو کرد لەناوی نویسان، هامە کەنار مردن، لەلیم بوەخشن.