شەفەق نيوز/ سەندیکای هونەرمەنەیل عراق، ئمڕوو شەممە، راگەیان مردن خانمە هونەرمەن گەورە ئازادوهێ ساموئێل ک دۊیای تۊشهاتنی وە بیماری زەهایمەر، لە ئەرمینیا گیانی لەدەسدا.
جی باسە، خانمە هونەرمەنەگە لە ساڵ ١٩٤٢ لەداڵگبۊیە، و خوەی یەکەم دەرچگەیل پەیمانگەی هونەرە جوانەکان عراق بۊی لە ساڵ ١٩٦٢، و هەر لە ساڵ ١٩٥٤ ئەکتەری لە شانۆەیل بەغداد کرد.
ساموئێل لەناو خانمە ئەکتەرەیل عراق، زیاترین چالاکی و بەشداریکردن لە شانۆیل گرنگ لە مێژوو شانۆ عراق داشت، و وەوجۊرە ری ئەرا خانمەیلیگ تر واز کرد، هەنای وە ئازایی بۊیە یەکەم دۊیەت بچوودە پەیمانگای هونەرە جوانەکان لە بەغداد.