شه‌و گوزه‌يشته له لۆس ئه‌نجلس ئه‌مریكا ئاهه‌نگ 86ه‌مین خه‌ڵاته‌یل ئۆسكار وه‌ڕێه‌و‌چی ك له‌تی چه‌نه‌ها فیلم و ده‌رهاوه‌ر و ئه‌كته‌ر كێبركێ له‌سه‌ر وه‌ده‌سهاوردن نازناوه‌گان كرديان.
له كووتایی ئاهه‌نگه‌گه كه‌سايه‌تيه‌يل سه‌ركه‌فتگ ده‌سنیشان كريان و ئه‌نجامه‌یل ئمساڵیش وه‌يشێوه بوی:
فیلم (12 Years a Slave) ده‌رهاوه‌ر (Steve McQueen) خه‌ڵات ئۆسكار ئه‌ڕا خاسترین فیلم برده‌و.
خه‌ڵات خاسترين خانمه ئه‌كته‌ریش به‌خشريا (Cate Blanchett) ك له فیلم (Blue Jasmine) رۆڵ سه‌ره‌كی داشت.
خه‌ڵات خاسترین ئه‌كته‌ر پیاویش ئه‌ڕا (Matthew McConaughey) بوی له فیلم (Dallas Buyers Club).
خه‌ڵات خاسترین ده‌رهاوه‌ریش به‌خشريا (Alfonso Cuarón) ك ده‌رهاوردن ئه‌ڕا فیلم (Gravity) كردويد.
خه‌ڵات خاسترین ئه‌كته‌ر پیاویش له رۆڵ لاوه‌كی به‌خشريا (Jared Leto) له فیلم (Dallas Buyers Club).
خه‌ڵات خاسترین خانمه ئه‌كته‌ریش له ڕۆڵ لاوه‌كی دريا (Lupita Nyong'o) ك له فیلم (12 Years a Slave) رۆڵ داشت.
فیلم ئه‌نیمه‌یشن (Frozen)یش خه‌ڵات خاسترین فیلم ئه‌نیمه‌یشن برده‌و.
ا. ج